张敬轩和胡杏儿将做伴郎伴娘 - 胡定欣赶嫁广告才俊

无线花旦胡定欣去年凭《拳王》哑女一角摘下 TVB“最佳女配角”，啱啱先拍完《飞虎Ⅱ》o依家又开紧新剧《点金胜手》，剧接剧嘅佢唔只专注事业，据知恋爱大过天嘅定欣，已计划与拍拖一年多嘅广告界才俊 Patt(沈柏淳)于农历年前拉埋天窗，仲一早揾埋好友张敬轩和胡杏儿为伴郎伴娘，最近一班好友更频约饭局商讨细节。

事业爱情行运，难怪胡定欣回应结婚一事时，春风满面笑晒：“我同男朋友关系非常好!”忙完《点金胜手》，正式埋位做沈太啰!

胡定欣自去年与 Patt拍拖后，不时大晒恩爱，胡更火速进驻男友于渣甸山爱巢，一于同居试婚。向来恋爱大过天嘅胡定欣已经 32岁，据知男友于几个月前求婚成功，仲揾定好友张敬轩和胡杏儿做伴郎伴娘，为婚事做好准备。

胡定欣同男友 Patt恋情逐步明朗化，经常糖黐豆孖住拍拖去街，幸福程度爆灯。

冧爆回应问到与男友 Patt正筹备婚事，胡定欣春风满面：“我同男朋友关系非常好!”个样真系冧到爆?!

上周四( 24日)，胡定欣出席梁乃鹏(右下)欢宴《冲上云霄Ⅱ》台前幕后仝人晚宴，全晚都笑容满面，仲孖住好姊妹杏儿密密倾，搞喜事人都开心啲!

饭局倾细节

“虽然 Patt同定欣只系拍咗拖一年多啲，但两个人感情真系好好。其实之前佢两个一齐去苏梅旅行??阵， Patt已经求咗婚，定欣好感动，个个朋友都知!加上定欣又到咗适婚年龄，都系时候啦!??家定欣打算忙完《点金胜手》就会搞婚礼，想喺农历年前搞掂!伴娘伴郎梗系预杏儿同轩仔啦!佢哋最近成日约出嚟，倾点样搞婚礼添!个个 friend都戥佢两个开心!”胡定欣身边人说。

据知胡定欣眼见圈中陈茵媺同陈豪婚姻生活甜蜜美好，已经过咗女人 30嘅佢，更加想快啲结婚生 B，免得做高龄产妇。

胡定欣 9月生日时，身边一班好友如胡杏儿、胡蓓蔚、单立文等等，齐齐帮她庆祝，当然还有“未来老公” Patt啦。网上图片

今年 8月，胡定欣同男友 Patt拍住拖去苏梅旅行，定欣心情大靓，大骚三点式，有广告界男友揸机，梗有水准啦!

“关系非常好”

本刊上周四( 24日)于活动后问胡定欣，与男友 Patt筹备婚礼一事，她笑晒答：“其实呢啲新闻一年都会传几次，但我话你知系唔会结嘅!(咁同男友关系?)我哋??家关系非常好。(男朋友求咗婚?)咁又未?!(咁你到咗适婚年龄，呢 2年会唔会结婚?)我暂时都未谂，呢 2年都系工作为主。”胡定欣虽然例牌否认婚讯，但个冧样完全 ready等嫁?!