陆永继与鸡排妹拍 肉搏戏 临场龟缩减戏份

已为人夫的粗夫组合成员陆永继上年有机会同索爆中女张慧仪拍嘴戏后，早前又跟台湾E奶鸡排妹郑家纯合作三级片《台北夜蒲团团转》，虽然鸡排妹在戏中剥完又剥，但初次拍「肉搏动作戏」的陆永表现「无能」，竟临场龟缩，要求导演减戏份，有 E胸都不敢XXX。

步步为营

钱国伟明醒陆永!在新片《台北夜蒲团团转》中安排他与台湾 E奶鸡排妹拍一场剥剩胸围的埋身肉搏，点知平时口花花的陆永原来得棚牙。

辣 E奶几激都冇所谓，但陆永全程步步为营，正式埋位前，已经跟对手约法三章。

「我第一次拍呢啲戏，好紧张!事前夹好晒第一吓会摸边个位，之后又会摸边一个位，总之清清楚楚，因为有沟通，可以唔使 NG好多次，呢场戏一次过搞掂。」陆永说。

试过拍肉搏戏被抽水甚至被揸胸，要当场反面收科的鸡排妹，面对惊青陆永，虽然要主动带对方入戏，甚至自动波向他採取攻势，但事后亦在人前盛讚陆永够君子。

鸡排妹需要剥剩胸围同唔觉意晒 T-back底裤边。

跳上身

摸脚

要求减戏份

陆永亦坦言，自己唔够班!

「虽然事先知道要拍呢类场面，但情况究竟有几激，都系埋位前至知，一叫 roll机我已经不断震，今次系我最终极，始终自己唔系『动作』演员，其实我当时都有提出，叫导演减我戏份，但愈叫愈衰，反而愈加愈多，搞到我腾晒鸡。我当时冇剥衫?，全部都系对方剥。」

电影快将上映，但陆永到如今仍未睇过试片，埋位当日亦唔敢胆睇 playback。「讲同做根本系两回事，好彩一 take搞掂，之后仲要鸡排妹调转头安慰我，拍嗰阵佢仲鼓励我话好快拍完，叫我做好啲就可以早啲收工。」讲就天下无敌的陆永，今铺输晒!

戏中另一巨咪女角，是 36F的台湾模特儿张永歆。

金刚在戏中扮 gay，都要着紧身透视裤晒粗腿。

鸡排妹早前出席电影宣传活动，已经搏晒命晒心口。

鸡排妹来港出席宣传活动，会约埋寸嘴 Barbie行街食饭。

已经有两个女的陆永，经常放全家福在微博晒幸福。

男女战

钱国伟执导一系列《夜蒲》片，摆明沟女片，由于众多男女角，要从中突围确唔容易，第一集的陈静 DaDa就凭跟男神王宗尧晒巨咪床战弹出，之后她在影圈平步青云攞埋最佳女配角，第二集的沉震轩就同刘羽琦兰桂坊打野战而出晒位，不单在颁奖礼有提名，更在无綫由二打六升呢男二。至于第三集的羽侨，亦豁出去撇歌手形象，跟韩仔在温泉骚胸肉搏。